ГлавнаяКриминалДагъустандиъ газдин цирклиъ агъзурихьна тешкилатар ахтармиш гъапIну

Дагъустандиъ газдин цирклиъ агъзурихьна тешкилатар ахтармиш гъапIну

1 1 1 1 1 1 1 1 1 1 Рейтинг 4.50 (1 Голос)

310119

Дагъустан Республикайин прокурор Денис Поповди 2018-пи йисан гъапIу ляхнин натижйириз бахш вуди гьаму хамис йигъан гъубху яркьу коллегияйиъ къайд гъапIганси, Дагъустандиъ газдин 960 тешкилатдиъ ахтармиш’валин ляхнар кIули гъухну.

Улихьнаси прокуратурайи, республикайин агьалйири ишлетмиш дарапIди, дурариин газдин тешкилатари илитIнайи буржарин гьякьнаан вуйи далилар арайиз адагъну. Гьаддихъди сабси, варитIан аьхю бурж (422 млн. манат) Къарабудагъкент райондиин илибтIнайивал ахтармиш гъапIнийи.

Дидин кьяляхъ прокуратурайи МВД-йихъди ва УФСБ-йихъди сатIиди Гъяякент райондиъ ахтармиш’валар гъурхну, ерли манишин гьясил апIру комплексариъ гьякьикьатдиъ ишлетмиш гъапIу газ фукьан вуш, аьгъю гъапIну. Натижайиъ уголовный дело гъитIибкIну. 

«Республикайин прокуратурайин тешкиллувалинна практикайин ахтармишарин серенжемарин натижайиъ газдин цирклин 960 тешкилатдиъ ахтармишар гъурхну», - къайд гъапIну Д.Поповди.

Дугъан гафариинди, аьхю кьадарниинди газ ва пулин дакьатар икIапIувалихъди аьлакьалу тахсиркарвалар ашкар гъахьну. 

Прокуратурайи гъуху ахтармишарин материаларин бинайиинди 8 уголовный дело ачмиш гъапIну. Гьадму гьисабнаан газдихъди тямин апIру тешкилатарин ва дурарин жюрбежюр аьтрафариин али участокарин кIулиъ айидариинара кади. Ахтармиш’валин ляхнар гьеле давам шули ами», - къайд гъапIну Д.Поповди.

Гъубшу йисан прокуратурайи республикайин дахилназ шагьрин клинический сабпи нумрайин больницайин 8 мертебайин дарамат ва республикайин бюджетдиз 30 млн. манат кьяляхъ апIуз кюмек тувну, ТЭК-дин 1600-тIан артухъ эйиси адарди дирчнайи объектар ашкар гъапIну, къанунсузди лихурайи 38 АЗС-дин ляхин дебккна, гьюлиз чиркин шид гатIабхьувалихъди аьлакьалу вуди гъабхьи зарарнан 58 млн. манатдин журум суддиан тина ктабгъну.

Республикайиъ яшаишдин важиблу цирклариъра криминалихъди женг гъабхбан ляхин жанлуди гъябгъюра: агъзурихьна агьалйирин дармнарихъди тямин апIбан ихтиярар таза кIул’ан цIийи алаъну, дармнар масу гъадагъуз жара дапIнайи дакьатарикан 46 миллион манат кьяняаьт апIуз гъабхьну, 10 агъзурихьна инвалидар реабилитацияйин техникайин алатарихъди тямин гъапIну, гьюкумтадин ва муниципалин 100 миллионтIан артухъ кьимат айи дараматар гьисабнаъ тIауз гъитну.

Коррупцияйихъди аьлакьалу вуди заан гъуллугъариъ айи гьякимар дисувал ва къанун чIур апIувалин гьякьнаан силисар гъахувал Дагъустандин Главади Владимир Васильев тяйин гъапIхъан мина ккергънийи.  

 

Комментарии:

f1 in1 ok1 t1 v1 y1

Top