Милли хурагар

1 1 1 1 1 1 1 1 1 1 Рейтинг 5.00 (1 Голос)

гъарма1

Гъарма

Гъармана аш табасаранари аьхю мяракйир сумчрар ва саламар айиган гьязур апIру хурагар ву. Сумчрар-саламариз дурар аьхю гъазнариъди гьязур апIуру. Хъа гъи ухьу хизандин суфрайихъна гъарма гьязур апIурхьа.

Кьюб кило кIурбар кайи йикк гъадабгъну, тикйир дапIну, мичIли штук дижибкIну, гъазниъ 4-5 литр шид убзну, убхьуз пичриин иливуру. Йикк убхьуз хъюгъиган, думу кафрахьан марцц дапIну кьил кабхьру. Йикк бегьем гъубхьиган, гъармайик чIатхуди гъубку гули кипру ва иставут кабхьру, цIибсана убхьуз гъитру. Гьязур дубхьнайи гъарма, 3-4 тики йиккра кипри, гьар захаъ убзру. Гьарурин захаъ айи гъармайиин дубкнайи шивит, гашниш алабхьури, суфрайихъна хуру.

 Дукъкъу 

Шубуд йигъандин арайиъ мух штукк ккабхьну, гъюдли хьуз гъибтру. Хъасин думу тавайиъ абхьну убцуру, кьутаъ абхьну убччвури, гал алдабхъуру ва гъуни-гъуншйиризра капIру.

(РД-йин Главайин грантдин «Йиз ата-бабйирин

хурагар» проектдин дахилнаъди гьязур дапIна)

Комментарии: