Шюрйир

1 1 1 1 1 1 1 1 1 1 Рейтинг 5.00 (1 Голос)

Милли хурагар

шюрйир

Шюрйир табасаран халкьдин кюгьне хурагарикан гьисаб шула. Ригъуз ухшар вуйи му ккиккар гизафдарин юкIв алидар ву. Шюрйир сумчрариз, цIийи швушван сундхиъ нитIифдихъди, гъурхьу пеэрихъди ва жара итIру сурсатарихъди ивуз гьязур апIури гъахьну.

Дидланра савайи, шюрйир кейванйири Эбелцан къаршуламиш апIруганра, суфрайихъна хури гъахьну.

Шюрйир гьаму жюрейиинди гьязур апIуру.

Утан хямир китIибшну, думу 2-3 сяаьтназ утуз дивру. Хямир утури имиди кьялягъ гъиврайи аварши гьязур апIуру. Думу ихь аьдати аваршиси апIурайиб ву, амма дидик шекрин ерина сацIиб кьил капIру. Хямрикан 9-10 гал даркIну, дураригъян ччим гъядятури саб-сабдиин илирчуру. Хъасин дурар ккуруди гьадатIну, гьадабтIуб гергмиди уч дапIну дивру. Гергми дапIнайи ккиккарин кьялаъ саб бицIиди ичI дапIну, гьадушваъ дапIнайи аваршайикан саб муччвур апIру. Думу апIбан кьяляхъ, аварши кьялягъ гъубзруганси, гъваларихъан хямир зиинди уч дапIну, бицIи ккиккарси дурар даркIну, 25-30 дакьикьайиз заълан элебкну, маниди ккутуз гъитру. Хъасин уьл убжруганси пичракк дурар уржуру.

(РД-йин Главайин грантдин «Йиз ата-бабйирин хурагар»

проектдин дахилнаъди гьязур дапIна)

Комментарии:

f1 in1 ok1 t1 v1 y1

Top