ГлавнаяКультураГъеебццу йикк кайи картфин цIикбар

Гъеебццу йикк кайи картфин цIикбар

1 1 1 1 1 1 1 1 1 1 Рейтинг 5.00 (1 Голос)

чуду

Милли хурагар

Гъеебццу йикк кайи картфин цIикбар гизафси кьюрдун вахтна апIури шулу, фицики гъеебццу йикк кьюрдуз гьязур апIурайиб ву, кюгьне вахтари кьюрдну картфарра бегьемди ади гъахьну.


Ухьуз лазим хьибди:
хямир апIуз – хю, кьил, шид.

ЦIикбигъ гъяпIруб – жвиллиди дубкнайи гъеебццу йикк, гули, ччим, картфар, кьил, иставут, гъурку хифар, шид, мурта.


Суфрайихъна уч шулайи инсанариз дилигну, хямир ктIибшуру, ва думу демриз гъюбан бадали, гъабраъ илибкну дивру. Гьаму вахт- на цIикбигъ гъяпIруб гьязур апIуру: картфар дижикIну, гал алдапIну, жвиллиди ва чIиллиди уркурхьа, хифар жвилли апIуру, гъеебццу йикк убкуру (эгер йикк хюл кайиб дарш, думу ягълачийиъ убжруган, артухъси ччим ккапIру), гули жвиллиди убкуру ва йиккна гули, кьюб муччвур марцци ччим ккапIну ягълачийиъ убжуру (гули гъатху хьайизкьан). Хъа гъурку картфарик йиккна гули, хифар, кьил, иставут кахьну, ктIибшуру. ЦIикбигъ гъяпIруб гьязур гъабхьи. Дивнайи хямир китIибшну, думу швнуб цIикаб апIуруш, гьадму кьадар тикйириз пай апIуру. Гьарсаб цIикбин пай хямир гъадабгъну, думу саб аьхю ва саб бицIи тикйириз пай дапIну, гергми апIуру.

Сифте бицIи хямрикан гал абкIуру, хъа аьхюну хямрикан гал дабкIну, гергми кьулиин саб штIум хю алдабгъну, душв’ин аьхюнуб гал илипуру. Кьулиин али цIикбин галиин цIикбигъ гъяпIуз гьязур дапIнайиб саб тIубан ацIушин ади гъяпIру. Зиълан бицIи гал илипну, цIикIбин кьюбби галар чиб-чпик китIру (ккундуш ургъури, ккуни алапIури). Пичракк ккипуз гьязур дапIнайи цIикбин зиълан мурта алдатну ва гьацIкьялаъ бицIи урхъ (зиин али галиъ) апIуру ва 220°С ади мани дапIнайи пичракк ккипру.

15 дакьикьайилан цIикбин маш цIару хьуз хъюбгъру. Картфинна гъеебццу йиккун цIикаб пичраан адабгъайиз 3 дакьикьа ккимиди, цIикбиъ дапIнайи урхъаъ 3 муччвур гъубхьу шид убзру. Уччвуди маш цIару дубхьнайи цIикаб пичраан адабгъну, гъибиржну дивру. 15 дакьикьайилан цIикаб ачмиш дапIну, марцци ччим алдатну ва миржиб чIук дапIну суфрайихъна хуру.

(РД-йин Главайин грантдин «Йиз ата-бабйирин хурагар»

проектдин дахилнаъди гьязур дапIна)

Комментарии:

f1 in1 ok1 t1 v1 y1

Top