ГлавнаяНаукаТелевизор цифрайиин дебккбан теклифар

Телевизор цифрайиин дебккбан теклифар

2018 12 06 095021

Цифрайин телевидение арайиз гъафиган, гъавриъ адру суалар гизаф айи. Мюгьтал хьуз ляхинра адайи, фицики цифрайин телевидениейин сигналин ери лап ужуб ву. Цифрайин телевидениейин сигнал, деврин цIийи телевизорариси, йирси жюрейин телевизорарира бисруганси апIуз шулу.

Гьелбетда, гъи спутникдин, кабелин телевидениейира ляхин апIура, амма ихь уьлкейин агьалйирин арайиъ цифрайин телевидение адлу шула. Фицики диди ужуб ери ади ва пулсузди асас 20 программа улупура. Гьамусяаьт, телевизори цифрайин сигнал бисруганси апIурча кIури, жюрбежюр компанйири чпин кюмек теклиф апIура. Эгер учвуз ичв телевизори цифрайин эфирин телеканалар улупруганси апIуз ккундуш, шлизкIа пул тувуб лазим дар, думу ляхин гьасрар касдихьан чан кIул’индира апIуз шулу.

Дупну ккундуки, цифрайин телевидение лихбурайиган, программа лап утканди улупуру. Мициб телевидениейин цIиб харжиди ясана цIиб ужуди улупувал шулдар. Эгер сигнал харжиб вуш, улупурайи программа вахт-вахтарик ктIубшвуру. Думу ляхин дюз апIбан бадали, телевизорихъ хъайи антенна за дапIну, ясана жара антенна хъибтIну ккунду. Деврин цIийи телевизори цифрайин эфирин телевидение улупруси апIбан бадали, исихъ тувнайи тIалабар тамам апIинай. Му теклифар РТРС-дин РД-йиъ айи филиалин кIулин инженерди лихурайи Геннадий Юферовди тувдар ву.

1. Телевизорихъ антенна хъивай;

2. Пультдиин «Меню» кнопкайиз илзигай;

3. «Опции»-йиз илзигну, автоматвалиинди албагувал кадабгъай;

4. Гьаддин кьяляхъ телевизорин экрандик унчIвсиб кубчIвди, дид’ан сигнал гъюру дакьат ктабгъувал лазим хьибди. «Кабель» (антенна) улупну, «Пуск»-диз илзигуру;

5. Хъана экрандик сабсана унчIвсиб кубчIвру. Душваъ теклиф апIурайи сигналин дакьатарикан «Цифрайин» кадабгъну, хъана «Пуск»-диз илзигуру;

6. Телевизорин экрандик нубатнан унчIвсиб кубчIвиган, душваъ «Режим поиска»-йиъ учIвну, «Полный» ктабгъуру;

7. Телевизорин экрандиз удубчIву таблица макьалайин аьхириъ тувнайиганси абцIувал лазим ву, ва дидин кьяляхъ «Поиск»-диз илзигуру.

Бязи телевизорарин моделариъ сетдин абгувалин мумкинвалар а. Эгер телевизориз дицисдар мумкинвалар аш, исихъ таблицайиъ айи улупбар тутрувишра хай шулу. Агувалин режим тувну гъитиш, чIяаьн хьибди. Гьаму ляхнин кьяляхъ, ичв телевизори пулсуз 20 программа марцциди улупуз хъюгъди.

 

частота сабпи мультиплексдин –  510 МГц,
кьюбпи мультиплексдин               -    678-686 МГц
хътаъбан гьяракат                        -     6875KS/s
модуляция                                       -     256
                               Пуск

Комментарии:

Top