ГлавнаяОбразованиеЧIаларин юрднаъ урус чIал

ЧIаларин юрднаъ урус чIал

1 1 1 1 1 1 1 1 1 1 Рейтинг 3.50 (2 Голосов)

5566

Жюрбежюр миллетар яшамиш шулайи ихь республикайиъ урус чIалну важиблу роль уйнамиш апIурайивалин ухьу гьарсар гъавриъ ахьа. Дагъустандиъ яшамиш шулайи баяр-шубариз багъри чIалнан кьяляхъ ихь гьюкуматдин вуйи урус чIал радиойихъан, телевизориан ебхьура. Шагьрариъ яшамиш шулайи хизанариъ гизафси урус чIалниинди гафар апIура. Гьацира бицIидарин багъариъра, мектебариъра ишлетмиш апIурайи урус чIалну бицIидариз ухди чIал дубгъуз кюмек тувра. Пуз шулаки, ихь республикайиъ яшамиш шулайидариз урус чIал кьюбпи багъри чIал дубхьна.

Дербент шагьрин мектебариъ урус чIал ва литература кивбаъ фицдар хъуркьувалар ва гьял дапIну ккуни месэл-йир аш ахтармиш апIури, улихьнаси узу Дербентдиъ ГУО-йин урус чIалнанна литературайин методист Аида Кьасумовайихъди ва начальникдин заместитель Сона Гьяжибеговайихъди гюрюшмиш гъахьунза. 

Аида Шакировнайи шагьриъ айи вари 27 мектеб китабарихъди ва дарсариз лазим вуйи авадлугъарихъди тямин дапIнайиваликан гъапнийи.

«Вари мектебариъ мялимарра гьуркIну а. Гьамусяаьт шагьрин мектебар «Узуз ккуни Пушкин» конкурсдиз, «ЧIиви классика» кIуру Варидюн`яйин конкурсдиз гьязур шула»,

– гъапну Аида Шакировнайи. Дугъу къайд гъапIиганси, декабрин сабпи гьербе йигъан 11-пи классари натижайин сочинение бикIуру.

«Вариурусатдин урус чIалнанна литературайин мялимарин Ассоциацияйин ляхин албагру советдин председатель Людмила Дудовайи Дербент шагьрин урус чIалнан мялимарин тажрубайиз, ляхнин натижйириз ужуб кьимат тувну. Республикайин образованиейин гъурулушдин улупбариз асас вуди, Дербент шагьриъ урхурайи баяр-шубари ужудар натижйир улупура»,

– мялум гъапIну Сона Аьбдуллаевнайи.

Аьхиримжи йисари образованиейин ери ОГЭ-йин ва ЕГЭ-йин натижйири улупура.
Сона Гьяжибеговайин гафариинди, 2018-пи йисандин улупбариинди урус чIалнан ЕГЭ-йин кьялан балл 68 ву. Ццийин йисан шагьрин мектебарин выпускникари гьамцдар натижйир улупну: 15% баяр-шубари 51-дилан 60-риина, 23%-ди 61-дилан 70-риина, 40%-ди 71-дилан 90-риинна ва 8,6%-ди 91-дилан 99-диина баллар. Шагьрин 19-пи нумрайин мектебдиан вуйи Селим Ражабовди 100 балл гъадагъну. (мялим Сакинат Селимова).

Ццийин йисандин улупбариинди, урус чIалниинди вуйи ЕГЭ-йиан варитIан заан натижйир 18-пи нумрайин мектебдин мялим Зинфира Ханмягьямедовайин выпускникари (кьялан балл – 86) ва 19-пи нумрайин мектебдин мялим Надежда Юсуповайин выпускникари (кьялан балл – 85) гъадагъну. Гьацира, дупну ккундуки, февраль вазлихъан хъюгъну, апрель вазлизкьан Мягьячгъалайиъ кIули гъубшу республикайин 12 дарснан «ВаритIан ужур мялим» кIуру сабпи конкурсдиъ Дербент шагьрин 12-пи нумрайин мектебдиъ урус чIалнанна литературайин дарсар киврайи мялим Эльмира Рамазановайи 2-пи, хъа шагьрин 3-пи нумрайин гимназияйин урус чIалнанна литературайин мялим Диляра Абиевайи 3-пи йишвар гъидисну.

Къайд дапIну ккундуки, 15-пи ноябриъ Дербент шагьриъ кIули гъубшу республикайин мектебариъ урус чIалнанна литературайин мялимарин слётдиъ уч духьнайидари айи хъуркьувалариканси, нукьсанвалариканра ачухъди гъапнийи. Урус чIалнахьна вуйи маракьлувал жанлу апIбан бадали, республикайиъ мялимарин ассоциацияра тешкил дапIна. Дагъустандиъ айи 5289 мялимарикан 2088 мялим думу тешкилатдин членар ву. Му ассоциацияйин асас вазифа – гьарсарин тажрубайихъди таниш хьувал ва мялимарин аьгъюваларин дережа за апIувал ву. Му тешкилатди Интернетдин кюмекниинди Москвайин, Бакуйин, Грозныйин, Сургутдин, Алтайин мялимарихъди аьлакьйир уьрхюра.

Ассоциацияйин председатель Анжела Байрамбеговайи мялимарин кюмекниинди урус чIал дюбхну ккуниваликан, Интернетдиъ гизаф гъалатIар кади бикIурайиваликан гъапну. «Китабар урхбахъ юкIв хътру мялимдин ученикарира дурар урхидар. Мялимди гьар вахтна чан артмиш`вализ фикир туври, уьмриъ учIврайи цIийивалар чан ляхниъ ишлетмиш апIури ккунду», – аьлава гъапIну дугъу.

Комментарии:

f1 in1 ok1 t1 v1 y1

Top