ГлавнаяОбразованиеМялимарин маважибар за апIиди

Мялимарин маважибар за апIиди

1 1 1 1 1 1 1 1 1 1 Рейтинг 3.25 (2 Голосов)

3_37e56a.jpg

Гьаму йигъари Мягьячгъала шагьриъ Р.Гьямзатовдин ччвурнахъ хъайи республикайин Милли библиотекайиъ «Дагъустан Республикайиъ образованиейин артмиш’валин гьякьнаан» Къанун уьмриз кечирмиш апIбан месэлйириз бахш дапIнайи РД-йин парламентдин совещание гъабхьну.

Душваъ РД-йин Халкьдин Собраниейин председателин заместитель Елена Ельниковайи къайд гъапIганси, образованиейин гъурулушдиъ, гьам ихь республикайиъси, Урусатдин жара регионариъра учIру месэлйир айивал ачухъди рябкъюра.

«Аьхиримжи йисан ихь региондиъ образованиейин цирклиъ шулайи ужудар хъуркьувалариканра дупну ккунду. РД-йин Халкьдин Собраниейин спикер Хизри Шихсяидов кIулиъ ади, республикайин парламентдин депутатари мялимарин маважибар за апIбан месэлйир гъитIиркIура. РД-йин Правительствойихъди, РД-йин Минфиндихъди ва РД-йин Минобрнаукайихъди гъубху ляхнин натижайиъ мялимарин маважибар за апIбан йикьрарихъна гъафну»,

– къайд гъапIну Е.Ельниковайи.

РД-йин Правительствойин председателин заместитель – РД-йин образованиейин ва илимдин министр Уммупазиль Уьмаровайи мялум гъапIганси, Дагъустандиъ образованиейин цирклиъ федералин шубуб проект уьмриз кечирмиш апIбан метлебариз федералин центриан 300 миллион манат жара гъапIну.

Гьаци «Образованиейиъ цифрайин макан» проектдин кюмекниинди республикайиъ бицIидарин «IT-cube» абццди. «Деврин мектеб» проектди дагълу гъуларин мектебарин материалинна техникайин бина мюгькам, «Технология», «ОБЖ» ва «Информатика» предметарин образованиейин программйирин бина цIийи апIиди.

Хъа «Гьарсар бицIирин хъуркьувалар» проектдин кюмекниинди бицIидариз региондин аьлава образование тувру модульный центр абццди.

Комментарии:

f1 in1 ok1 t1 v1 y1

Top