ГлавнаяОбразование«Юлдаш» мектебдин нубатнан гъалибвал

«Юлдаш» мектебдин нубатнан гъалибвал

1 1 1 1 1 1 1 1 1 1 Рейтинг 5.00 (1 Голос)

Гьар йисан ихь уьлкейиъ «Йиз бицIи Ватан» кIуру Вариурусатдин швнуб-саб этапдикан ибарат вуйи конкурс кIули гъябгъюра. Ихь региондин этапдиъ кIулиъ гъубшу му конкурсдиъ Табасаран райондианра мектебариъ урхурайидар иштирак гъахьну.

Конкурсдин «Багъри ватандикан ва экологияйикан ктибтбар» номинацияйиъ ЦО «Юлдаш» МКОУ-йин 10-пи классдиъ урхурайи Милена Султанова «Табасарандин гевгьер» эко-турин проект хьади иштирак гъахьну. Хъа «Аьдатар ва культура» номинацияйиъ «Ягъдигъарин 1-пи нумрайин СОШ» МКОУ-йин 9-пи классдиъ урхурайи Лейла Гьяжикеримовайи «Табасаранарин бицIирдар хьпан аьдатар» проект улупну.

Милена Султановайи учв иштирак шулайи номинацияйиан ужиди гьязур духьнайивализ, хъирчу суалариз дишлади жаваб туврайивализ, яна чав хьади дуфнайи проектдиан тамам аьгъювалар айивализ ва «Табасарандин гевгьер» проектдикан мялумат туврайи буклетар ади хьувализ лигну, конкурсдин жюрийин членари думу ужур пишекарра, гидра ву, гъапну. Проектдиан Миленайи улупу презентация конкурсдиъ варитIан заануб гъабхьнушра, дугъаз шубубпи йишвтIан тувундар. Фицики, дугъу конкурсдин заочный этапдиъ имбуну кьюрид иштиркчйиритIан цIиб баллар гъадагъну.

Хъа Лейла Гьяжикеримовайикан улхуруш, дугъура чан проект ужуди улупну, амма дугъхьан проектдикан имбуну иштиракчйирихьанси ди къатниинди, ачухъди пуз дархьивалиан думу цIиб кьяляхъ гъузну.

Пуб лазим вуки, му конкурс гьар йисан гъябгъюрайиб ву. Ухьуз айи вари аьдатарикан дупну ашра, конкурс-дин иштиракчйириз фу-вуш цIийибра бихъура. Гъит, ихь аргъаж шулайи гьамцдар наслариз хъанара артухъ хъуркIувалар ишри. Конкурсдиъ асасуб гъалибвал дар, хъа иштирак хьувал ву.

Комментарии:

f1 in1 ok1 t1 v1 y1

Top