Китабарихъди тямин апIура

1 1 1 1 1 1 1 1 1 1 Рейтинг 5.00 (2 Голосов)

imgМялум вуйиганси, аьхиримжи вахтна РД-йин кIулиъ айидари, мектебариъ урхурайидар китабарихъди тямин апIбан месэла гюзчиваликкна гъадабгъну, кьатI’и уьлчмйир кьабул дапIна.

Натижайиъ улупнайи вахтназ республикайин образованиейинна илимдин Министерствойиан районаризна шагьрариз китабар жара апIбан ляхин гъизгъинди гъабхура. Багарихьди Хив райондин мектебариъ урхурайидаризра цIийи китабарикан аьгъювалар гъадагъру мумкинвал хьибди.

Хив РОО-йин начальник Казбек Къазиевди къайд гъапIганси, улупнайи вахтназ Хив райондин мектебарин 1-11-пи классариъ урхурайидариз 15313 китаб жара дапIна. Гьадму гьисабнаан 2453 китаб 8-пи классариъ урхурайидариз ву. Багахь вахтна 8-пи классдиз вуйи бязи предметариан хъанара китабар хиди.

Дупну ккундуки, райондин мектебариъ арайиз дуфнайи гьякьикьат фикирназ гъадабгъну, РОО-йиан РД-йин образованиейинна илимдин Министерствойиз китабарихъди тямин апIбан гьякьнаан тялукь заявка тувнайи. Кьабул гъапIу серенжемарин натижайиъ, К.Къазиевди гъапиганси, саки вари урхурайидар пулсузди китабарихъди тямин апIуз мумкинвал хьибди. Дидланра савайи, гележегдиъ мектебариз жара гъапIу китабар масу тувбан дюшюшар арайиз гъюз гъидритбан бадали, гьарсаб китабдиин чан штрих-код ва голограмма хьибди.

– Хайлин йишвариъ абйир-бабарикан китабар адар кIуру саягънан гафар ерхьуру. Пуз ккундузуз: китабар йишвариин ал, анжагъ мялимди, чаз бегелмиш дару автор вуйивализ лигну, китабар ярхлаз ккадаъну ккундар. Аьгъювалар ФГОСариз асас вуди тувуз зегьмет зигувал чарасуз лазим дубхьна,

– аьлава гъапIну РОО-йин начальникди.

Комментарии: