ГлавнаяОбразованиеВыпускникарин абйир-бабарихъди гюрюш

Выпускникарин абйир-бабарихъди гюрюш

1 1 1 1 1 1 1 1 1 1 Рейтинг 5.00 (2 Голосов)

IMG 20190121 WA0035

Улихьна йигъари Хив райондин КДЦ-йиъ мектебарин выпускникарин абйир-бабарихъди кIули гъубху гюрюшдиъ выпускникар саб вуйи имтигьнар тувбахьна гьязур апIбаъ мектебдин ва абйир-бабарин вазифйирикан яркьуди гъулхну.

Серенжемдиъ удучIвну гъулху райондин главайин заместитель Ярмет Ярметовди къайд гъапIганси, ГИА-йин натижйири гьарсар выпускникдин гележег ккабалгбаъ аьхю роль уйнамиш апIура.

- Имтигьнарихьна баяр-шубар гьязур апIбаъ мялимарихъди сабси абйир-бабарира жавабдарвал гъабхурайиваликан кIваълан гьархну ккундар. Абйир-бабар чпин веледари илим гъадабгъбан гьяракатнаъ иштирак хьуз буржлу ву, амма, гьяйифки, гъийин девриъ хайлиндариз му тIалабар зат кIваиндикьан адар. Урхбаъ заан хъуркьувалар хьпан бадали, мектебдина хизанди сигъ аьлакьйир уьрхбаъ дерин мяна а. Хъа, жиниб дар, хайлин абйир-бабарин, чпин бицIирин аьгьвалатнакан ахтармишар гъадагъбан метлебниинди дарсназ дуфну, мялимдихъди гаф-чIал апIувал фикризкьан гъюрадар. Аьксина, мялимар, дурариз дихар апIури, мектебдиз хуз мажбур хьпан дюшюшар гизаф шула.

11 йисандин муддатнаъ деету гъалатIар аьхиримжи сад йисан гьял апIуз удукьруб дар. Аьгъюваларин ерийикан фикир дарапIди, заан баллар гъадагъбахъ хъергра. Хъа гележегдиз асасуб балларин кьадарнан улупбар вуйинхъа?! Фунур выпускникдира гележегдиз пише, чан аьгъюваларин дережайизна ерийиз дилигну, кадабгъну ккунду, - гъапну дугъу.

Улихьна йисари имтигьнар тувруган арайиз гъафи аьгьвалатнакан улхури, РОО-йин начальник Казбек Къазиевди уч духьнайидариз 2019-пи йисан ЕГЭ ва ОГЭ тувбаъ шлу цIийиваларикан ктибтну.

- Мялум вуйиси, улихьна йисари уьру аттестат ва гъизилин медаль журналиъ айи кьиматарин бинайиинди туврайи. Хъа гъябгъюрайи урхбан йисан тялукь хъуркьуваларихьна рукьуз  ният айи живанари 3 ЕГЭ-йиан уьмуми гьисабариинди 210-тIан камди дарди (гьарсаб ЕГЭ-йиан 70) баллар гъадагъувал лазим ву. Дидланра савайи, муганайиз выпускникарихьан математикайин бинайин ва профильный паярианра чпин удукьувалар ахтармиш апIуз шулайи. Гьамус дициб мумкинвал гъубзрадар: гьарсар выпускник математикайиан я бинайин, ясана профильный имтигьян тувуз мажбур ву. Анжагъ, профильный ЕГЭ тувну, лазим кьадар баллар гъадагъуз удудукьу живанариз, аттестат гъадабгъбан бадали, математикайиан нубатнан ражари бинайин имтигьян тувуз мумкинвал тувди.

9-пи классарин выпускникарихьна вуйи тIалабарикан гъулхиш, мушваъра дигиш’валар духьна: гьамус ОГЭ-йин кьиматну аттестат гъадабгъбаъ важиблу йишв бисура. 13-пи февралиъ 9-пи класс ккудубкIурайи вари выпускникари урус чIалнаан мелзналан улхбиинди вуйи имтигьян тувди. Думу тувуз дархьидар асас ОГЭ тувбахьна деетурадар.

Мектебариъ мялимари имтигьнарихьна живанар гьязур апIбан рякъюъ зегьмет зигура. Анжагъ мушваъ гьарсари жавабдарвал гьисс апIбаз аьхю мяна а,-аьлава гъапIну Къазиевди.

Пуз ккундузуз, ГИА лазим дережайиъди гъабхбан, выпускникарин аьгъюваларин ери ва дережа за апIбан месэлйири гъи мектебарин улихь дивнайи месэлйирин арайиъ асас йишв бисура. Хъа му рякъюъ, текрар шулза, деврин гьякьикьат фикирназ гъадабгъну, абйир-бабари жавабдарвал дубхну, баяр-шубар аьгъювалар гъадагъбахьна ижмишнаан жалб апIури гъахьнийиш, аьгьвалат хайлин ужувлахъинди дигиш шуйи.

Комментарии:

f1 in1 ok1 t1 v1 y1

Top