ГлавнаяОбществоБицIидарин ихтиярар уьрхюри…

БицIидарин ихтиярар уьрхюри…

1 1 1 1 1 1 1 1 1 1 Рейтинг 5.00 (1 Голос)

слабовидящие детки в ДОУ

Къанундиз асас вуди ватандашарин, гьюкуматдин ва жямяаьтлугъдин ихтиярар ва маракьар уьрхювал тямин апIбан, тахсиркарваларихъди женг гъабхбан жигьатнаан прокуратурайин гъуллугъчйири кьатI’и уьлчмйир кьабул апIура.

Гъийин йигъан Урусатдиъ хизандин ва бицIидарин ихтиярар ва маракьар уьрхбан жигьатнаан натижалу политика гъабхура. Анжагъ йишвариин му ляхин лазим саягъниинди гъабхувализ аьхю мяна а.

Ккудубшу йисан Хив райондин прокуратурайин вакилари Урусатдин «Образованиейин гьякьнаан» къанун ва йишвариин сакьат бицIидарин ихтиярар уьрхбан ляхин райондиъ гьяракатнаъ айи бицIидарин багъариъ фици тамам апIураш аьгъю апIбан метлебниинди ахтармишар гъухну.

Му ахтармишари субут гъапIганси, ляхник кайи бицIидарин 9 багъди гьич сабдинра Уставди къанунарин тIалабариз жаваб туврадайи. Натижайиъ бицIидарин багъариз сакьат баяр-шубар кьабул апIбан гьякьнаан му тешкилатарин уставариъ тялукь дигиш’валар тIаувал лазим гъабхьну.

КьатI’иди гъапиш, бицIидарин багъариз сакьат бицIидар кьабул апIруган, кьюбиб терефарин (бицIидарин багъдин кIулиъ айидарин ва абйир-бабарин) йикьрариз асас вуди, сагъламвалинна педагогикайин, психологдин тялукь натижа адабгъувал чарасуз лазим ву. Дидихъди сабси, тялукь гъатариз аьгъювалар тувбан, дурариз эрг’вал йивбан лазим вуйи шартIар яратмиш дапIну ккунду. 2012-пи йисан 29-пи декабриъ 273-пи нумрайиккди кьабул гъапIу «Образованиейин гьякьнаан» къанундин 5-пи маддайин 3-пи пайназ асас вуди, гьарсар сакьат бицIириз, мюгькам сагъламвал хъайи чпин гъарашугъарихьан савайи, пулсузди фунуб вушра бицIидарин багъдиъ, мектебдиъ ва вуздиъ сабпи заан образование гъадабгъуз ихтияр а. Лазим вуйи шартIар яратмиш апIбиинди гьюкуматди дурариз жямяаьтлугъдин арайиъ чпин йишв ккабалгуз кюмек тувувал чарасуз ву.

Гьяйифки, учу гъуху ахтармишари субут гъапI-ганси, Хив райондин бицIидарин багъариъ му тIалабар фикирназ гъадагъундар. Натижайиъ деетурайи гъалатIар терг апIбан гьякьнаан бицIидарин 9 багъдиз тялукь кагъзар хътаунча. Прокуратурайин тIалабар тамам апIури, йишвариин Уставариъ дигиш’валар тIаъна.

Дидланра савайи, «Хивский район» МО-йин главайин 2016-пи йисан кьабул дапIнайи постановлениейиз асас вуди, бицIидарин багъариъ баяр-шубариз гъуллугъ апIбан бадали, абйир-бабарихьан гъадабгъурайи гьякъийин кьадар гьар вазлиъ 700 манатдин кьадарнаъди тяйин дапIна. Амма, къайд апIурза, Урусатдин къанунариз асас вуди, сакьат ва йитим бицIидар уьрхюрайи хизанар му гьякъи тувбахьан азад апIувал лазим ву. Хъа зиихъ улупнайи постановление кьабул апIруган, гьаз-вуш му тIалабар фикирназ гъадагъундар. Прокуратурайин вакилари кьабул гъапIу уьлчмйирин натижайиъ улупнайи камивалар терг дапIна ва постановление къанундихъди дюз гъюруси къайдайиз дубхна.

Яшар бегьем дархьи живанарин ихтиярар уьрхбан рякъ’ан 2018-пи йис ич гъуллугънаъ сакьат бицIидарин ихтиярар уьрхбаанра бегьерлуб гъабхьну. Гъуху серенжемарин натижайиъ кьюр сакьат бицIир къанунариъ улупнайи вари лазим тадарукарихъди тямин апIру мумкинвал гъабхьну. Вушра, му ляхин гележегдиъра ижмишнаан жанлу апIувал ва гюзчиваликк уьбхювал чарасуз лазим ву.

Комментарии:

f1 in1 ok1 t1 v1 y1

Top