ГлавнаяОбществоУжудар хабрар

Ужудар хабрар

1 1 1 1 1 1 1 1 1 1

1

Дербент райондин образованиейин отдели ЦIийи йис ужудар хабрариинди ккебгъра. Йиз фикриан, гьаму улихьнаси вахтназ вуди райондин образованиейин начальникдин вазифйир кIули гъахуз Сона Гьяжибегова тяйин апIбакан вуйи хабар ужуб ву. Думу наан  лихури гъахьишра, ужудар натижйириз асас фикир туври, ляхин апIуз аьгъю ва апIру руководителарикан ву. Му уткан дишагьлийи чаз айи аьгъювалар ва кьувват гьяйиф дарапIди зегьмет зигрувалиин Сона Аьбдуллаевнайихъди таниш вуйидар вари гъавриъ а.

Гьацира кьюбпи ужуб хабриканра дарпиди гъитуз шулдар. Январин 15-пи йигъан Дербент райондин администрацияйиъ серенжем кIули гъубшну. Душваъ райондин глава Мягьямед Желилов, райондин депутатарин Собраниейин председатель Мажмудин Семедов, вахтназ вуди образованиейин управлениейин начальникдин вазифйир тамам апIурайи Сона Гьяжибегова, администрацияйин ва образованиейин пишекрар, мектебариъ урхурайидар, дурарин абйир-бабар иштирак гъахьну.

Серенжем ачмиш апIури, Мягьемед Желиловди баяр-шубарин хатIасузвализ асас фикир тувну ккуниваликан, райондин мектебариъ айи йирси транспорт цIийи алапIну ккуниваликна гъапну. Му йигъан федералин программайиинди Хазар, КIежух, Асккан Жалгъан гъуларин ва Билижи посёлокдин 4-пи нумрайин, Мамедгъала посёлокдин 2-пи нумрайин мектебариз цIийи автобусар тувну. Мягьямед Халиловичди тасдикь гъапIганси, мектебариъ айи транспорт 2006-пи йислан мина ишлетмиш апIурайиб вуйи, гьаддиз администрацияйин кIулиъ айири республикайин образованиейин Министерствойиз транспорт лазим вуйивалин гьякьнаан заявка тувну.

"Йиз ва вари райондин терефнаан узу республикайин Правительствойиз чухсагъул мялум апIураза. Баяр-шубариз ухьу шлубкьан артухъди фикир тувну ккунду",

- къайд гъапIну райондин руководители ва зиин кудухнайи мектебарин директорарихьна цIийи автобусарин жюлгар тувну.

Му шадвалин серенжем Мамедгъала посёлокдин бицIидарин яратмиш апIбан Хулан баяр-шубари гьязур гъапIу концертдиинди ккудубкIну. Гъит, ужудар хабрар ихь республикайиъ артухъ ишри!

Комментарии:

f1 in1 ok1 t1 v1 y1

Top