ГлавнаяОбществоТабасаран райондин бицIидар – конкурсдин гъалибчйир

Табасаран райондин бицIидар – конкурсдин гъалибчйир

1 1 1 1 1 1 1 1 1 1 Рейтинг 4.50 (2 Голосов)

конкурс

РД-йин образованиейинна илимдин Министерствойи гъубшу йисан, РФ-дин аьхиримжи Конституция кьабул гъапIхъан мина 25 йис тамам дубхьнайивалихъди аьлакьу вуди, мектебариъ урхурайидарин арайиъ «Паччагьлугъ пайдагъ дамагълувалиинди тIубччвура» кIуру конкурс тешкил гъапIнийи.

Конкурс тешкил апIбан метлеб – жигьилариз Урусатдин Федерацияйин ва Дагъустан Республикайин гьюкуматдин лишнарикан айи аьгъювалар ахтармиш апIувал ва дурарин яратмиш апIбан ляхнариз лигувал вуйи.

Улихьнаси министерствойиъ гьадму конкурсдин натижйир гъивну. Къайд апIуб лазим вуки, гьар йисан му конкурсдиъ иштирак хьували Урусатдин Федерацияйин ва Дагъустан Республикайин гьюкуматдин лишнар – Пайдагъ, Герб ва Гимн – варидариз аьгъю хьпаз, яна дурарикан мялуматар тарагъбаз кюмек апIура. Гьаддихъди сабси, дурар тарихдин жюрбежюр вахтари гьюдюхюваликан, дурар гьюдюхбан мяна-йикан аьгъю шула.

Гьар йисан конкурс кьюб номинацияйиъ кIули гъябгъюра: «Урусатдин Федерацияйин гьюкуматдин лишнар» ва «Дагъустан Республикайин официалин лишнар». Кьюбиб номинац-йирра яшнан 3 дестейин (1-4-пи классар, 5-8-пи классар ва 9-11-пи классар) арайиъ 3 цирклиз – «Литературайин яратмиш апIувал», «Ахтар-мишар апIбан ляхнар» ва «Балгбанна ляхниъ ишлетмиш апIбан яратмиш апIувал» жара дапIна.

Табасаран райондин администрацияйин пресс-гъуллугънаан мялум гъапIганси, райондин мектебариъ урхурайидарра му конкурсдиъ иштирак шули, 5-пи йис ву. Гьар йисан конкурс-диъ иштирак хьуз гъягъруган гъабхурайи материал ужу алапIури, сабпи кьюбиб номинацйириъра ва гьацира балгбанна ляхниъ ишлетмиш апIбан яратмиш апIувалин номинацияйиз гъабхурайи ляхинра, жюребжюр техника ишлетмиш дапIну, тамам дапIнайиб ву.

Магьан му ражарира конкурсдин региондин этапдиъ иштирак гъахьи ихь райондиан вуйи 6 ляхин конкурсдин гъалибчйир ва пешкешнан йишварин сагьибар гъахьну. Дурар «Юлдаш» МКОУ ЦО-йин ученикарин (1 гъалибчи ва 2 пешкешнан йишварин сагьибар), ДДТ-йин ученикарин (1-пи ва 2-пи йишвар гъадагъну) ляхнар ву ва гьацира ГьепIларин мектебдин ученикдин ляхниз 2-пи дережайин диплом тувну.

Комментарии:

f1 in1 ok1 t1 v1 y1

Top