ГлавнаяОбщество«Йиз гюрчег Ватан»

«Йиз гюрчег Ватан»

1 1 1 1 1 1 1 1 1 1 Рейтинг 5.00 (1 Голос)

photo 2019 01 24 10 34 34

Гъубшу йисандин аьхиримжи вазари «Табасаран райондин жигьилар» ва «Хив райондин жигьилар» жямяаьтлугъ тешкилатари мектебариъ урхурайидарин арайиъ «Йиз багъри Табасаран чIал» кIуру шиърар урхбан конкурс тешкил гъапIнийи. Дидиъ, Дагъустандиъси, жара регионариъ яшамиш шулайи 50-тIан артухъ ихь бицIи ватанагьлийир иштирак гъахьнийи.

Конкурсдин натижйир йивбан кьяляхъ, зиихъ улупнайи жямяаьтлугъ тешкилатари «Йиз гюрчег Ватан» кIуру цIийи конкурс тешкил гъапIну. Думу бицIидарин багъриз гъягъюрайи бицIидарин арайиъ Инстаграмдиъ кIули гъубхну, ва 2018-пи йисандин 20-пи декабрилан гьаму йисандин 10-пи январизкьан давам гъабхьну. Дидин иштиракчйири, жвуван хилариинди ватандиз бахш дапIнайи шиклар дизигну вая чпин хилариинди жюрбежюр шей’ар гьязур дапIну, дурариз шикил дивну вая видеойиз адагъну, Инстаграмдин «Молодежь Табасарана» кIуру машназ хъадаъну ккундийи.

Конкурсдин тешкилатчи, «Табасаран райондин жигьилар» жямаьтлугъ тешкилатдин председатель Муса Гьябибовдин гафариинди, му серенжемдин асас метлеб – гъюрайи наслин ихь ватандикан, багъри культурайикан дурариз айи аьгъювалар артухъ апIувал, бицIидарихъди сабси, дурарин абйир-бабарра гьадму яратмиш апIбан ляхниина жалб апIувал вуйи. Конкурсдиъ 27 кас иштирак гъахьну, дурарикан варитIан бицIинурин 2 йис, хъа аьхюнурин – 5 йис вуйи.

«Конкурсдиъ гъалиб гъахьидариз учу пулин дакьатарикан пешкешнан фондра тешкил дапIнайча. Яна 1-пи йишван гъалибчийиз 2000 манат, 2-пи йишв гъадабгъуриз – 1500 манат ва 3-пи йишван сагьибдиз – 1000 манат»,

– гъапнийи Муса Гьябибовди.

Гъалибчйир Инстаграмдин подписчикари «лайкар» дивбиинди гъядягъну.

Мурслар, бамбгариинди Дербентдин «Нарын-Гъалайин» шикил капIу Бугьнагъ гъул’ан вуйи, 5 йис дубхьнайи Ибрагьим Ражабов 1-пи йишван сагьиб гъахьну. Хъа 2-пи йишв Рубас нирин Хючнаарин рибчрариз ва гьадушван багарихь хьайи табиаьтдиз ухшар мутму ктапIувализ лигну, 5 йисаъ айи ТIюрягъ гъулан агьали Аьли Мирзаевдиз тувну. 3-пи йишваз Хянягъ гъул’ан вуйи, 5 йисан яшариъ айи ФатIима Аьбдуллаева лайикьлу гъахьну – дугъу конкурсдиз ихь табасаран халачачи дишагьлийикан вуйи шикил хътапIнийи.

Комментарии:

f1 in1 ok1 t1 v1 y1

Top