ГлавнаяПолитикаРД-йин Халкьдин Собрание гъабхьну

РД-йин Халкьдин Собрание гъабхьну

1 1 1 1 1 1 1 1 1 1 Рейтинг 5.00 (1 Голос)

10
Октябрин 25-йигъан Мягьячгъалайиъ Дагъустан Республикайин Халкьдин Собраниейин къанна ургубпи сессия кIули гъубшну. Парламентдин заседание Керчь шагьриъ гъабхьи пашман гьядисайихъди аьлакьалу вуди гъийихдарин гьюрматназ саб дакьикьайиъ ккебехъну гъузувалилан ккебгъну.

Сессия ачмиш гъапIур ва гъубхур сарпи вице-спикер Сайгидягьмед Аьгьмедов вуйи. Залиъ РД-йин Глава Владимир Васильевра айи.

Депутатарин улихьна гьял апIбан бадали сумчIуриинакьан месэлйир адагънайи.

Сабпи нубатнаъди дурари Буйнакск шагьрин 100-пи нумрайин судебный участокдин мировой судья’ди Умугьябидат Багьаудинова тяйин гъапIнийи.

Депутатари гьацира кьюбпи аьхиримжи урхбаъди «Дагъустан Республикайиъ ватандаш оборонайин гьякьнаан» къанундин проект кьабул гъапIнийи, РД-йин «Дагъустан Республикайиъ къанундин актарин къайдйирин гьякьнаан», «Дагъустан Республикайиъ шагьрар тикмиш апIбан ляхнин гьякьнаан» къанунариъ дигиш’валар тIаъну.

Сессияйиъ гьацира мектебариъ урхурайи баяр-шубар транспортдихъди тямин апIбан, Дагъустандиъ бицIидар бицIидарин багъарихъди тямин апIбан, республикайин аьтрафариин али тарихдин, культурайин ирснан ядигарар уьрхбан ва гьацдар жара месэлйир гьял гъапIнийи.

Сессияйиъ гьял дапIну ккуни месэлйирин аьхириъ «М.А.Мягьячевдин Дагъустан Республикайин Халкьдин Собраниейин депутатвалин ихтиярар вахтназ улихьна хъяркьбан гьякьнаан» ва «М.В.Сулеймановдин Дагъустан Республикайин Халкьдин Собраниейин депутатвалин ихтиярар вахтназ улихьна хъяркьбан гьякьнаан» айи.

Мягьямед Мягьячевдин депутатвалин ихтиярар хъяркьбахъан 65 депутатди чпин сесер тувну, 4 депутат думу къарарихъди чпин наразивал улупну.

Мягьямед Сулеймановди чан адвокатдилан мина чаллан депутатвалин ихтиярар алдагъбан гьякьнаан аьрза хътапIнийи. Дугълан ихтиярар алдагъбахъан 70 депутатди сесер тувнийи, сар аькси вуйи.

Депутатари гьацира образованиейин, илимдин, культурайин, жигьиларин, спортдин ва туризмдин комитетдин председатель Марат Пайзуллаев тяйин апIуз къарар адабгънийи.

Комментарии:

f1 in1 ok1 t1 v1 y1

Top