ГлавнаяПолитикаВ.Путиндин аьхю пресс-конференция гъабхьну

В.Путиндин аьхю пресс-конференция гъабхьну

1 1 1 1 1 1 1 1 1 1

69873efae05376e3e62f2936714b147b 1440x

Декабрин 20-пи йигъан Москвайиъ В.Путиндин нубатнан аьхю пресс-конференция кIули гъубшну. Президентди журналистарин уьлкейин айтIан ва чIатан политикайихъди аьлакьалу суалариз жавабар тувну. Гьаму йисан пресс-конференцияйиъ иштирак хьуз жюрбежюр СМИ-йирин 1,7 агъзуртIан артухъ вакилариз ихтияр тувну.

Аьдат вуйиганси, РФ-дин Президентди пресс-конференция гьаму йисандин 10 вазлин статистикайин улупбарилан ккебгънийи. Дугъу Урусатдиз сабпну технологияйин цIийи дережайиз удучIвувал лазим вуйиваликан, гьаддиз артмиш’валин важиблу цирклариз артухъ фикир тувну ккуниваликан гъапну. Президентди ляхник кирчнайи 12 милли проектра кIваин гъапIнийи. Дурариз планламиш дапIнайи бюджет 20,8 триллион манат ву.

Владимир Путиндиз НДС ва кьиматар за апIбакан суал тувну. Дугъу чан жавабнаъ къайд гъапIганси, ихь гьюкуматдин асас гъазанжар нафт ва газ масу тувбалан гъюра. Кризис айи вахтна думу гъазанжар харж апIбакк ккубкьнийи. НДС за апIувал ихь бюджетдиъ арайиз гъафи кьитвал за апIбахъди аьлакьалу ву. НДС за гъапIнушра, агьалйирин льготйир уьрхюз мумкинвал гъабхьну.

Журналистариъ Урусатдиъ зирзибил гизаф уч шулайивалин ва дидихъди аьлакьалу вуди фицдар уьлчмйир кьабул апIбанди вуш, месэла за гъапIнийи. Президентди 2024-пи йисаз РФ-диъ зирзибил тартиб апIру 200 завод тикмиш апIбанди вуйиваликан хабар тувнийи.

Пенсияйиз удучIвбан вахт за апIбан месэлара гъитIибккнийи. В.Путинди гъапиганси, дугъу гизаф йисари пенсияйиз удучIвру вахт за дарапIбан тереф уьбхюри гъахьну. Думуган инсандин уьмурра кьялан гьисабниинди 65 йис вуйи, хъа лихурайи пенсионерарин кьадарра артухъ вуйи. Президентдин гафариинди, гьаму жюрейиинди 5-6 йисансана яшамиш хьидийи, хъасин пенсияйиз удучIвру вахт сабпну за апIидийи ва дишагьлийирин льготйир уьрхюз хьибдайи. Путин чан адресназ вуйи тянкьидвалин гафарин гъавриъ а, думу гьацира пенсияйин реформа гъабхувал чарасуз лазим вуйивалин гъавриъра а.

Урусатдин Президентдин гафариинди, урусатдин чIатан политикайин метлеб – уьлкейин артмиш’вализ ужудар шартIар арайиз хувал, гьацира вари дюн’яйин уьлкйирин арайиъ барабар йишв тямин апIувал ву.

Комментарии:

f1 in1 ok1 t1 v1 y1

Top