ГлавнаяПолитикаДагъустандин ва Чечендин сяргьятар тяйин апIиди

Дагъустандин ва Чечендин сяргьятар тяйин апIиди

1 1 1 1 1 1 1 1 1 1

2019 01 22 006

Январин 22-пи йигъан Дагъустан Республикайин ва Чечен Республикайин вакиларин арайиъ гъунши субъектарин сяргьятар улупбан месэла тешкил апIбан гьякьнаан сабпи асас гюрюш кIули гъубшну. Урусатдин Федерацияйин Президентдин табшуругъ тамам апIури, сатIи вуйи рабочий десте арайиз дубхна. Думу дестейин дахилнаъ кьюбби терефаринра республик-йирин парламентарин депутатар, Росреестрин, Роскадастрин ва жара идарйирин пишекрар, сяргьятарин багахь хьайи муниципалитетарин главйир а.

Дагъустан Республикайин терефнаан рабочий дестейин кIулиъ РД-йин Халкьдин Собраниейин спикер Хизри Шихсяидов, хъа Чечен Республикайин терефнаан – ЧР-йин Парламентдин председатель Мягьямед Даудов а.

Заседаниейиъ кьюбиб терефарира сяргьятар улупбан гьякьнаан гафнан саб вуйиваликан гъапну. Гьаму месэлайин гьякьнаан, рабочий дестейи картографияйин ва архивдин материалариз асас духьну, тарихи сяргьятар тяйин апIбан бадали, 2019-пи йисан Росреестрин иштирак’валиинди ляхин гъабхиди.

Лап багарихьди, республикайин сяргьятарин багахь хьайи Калмыкия Республика ва Ставрополин край субъектарихъдира гьамциб ляхин гъабхбан бадали, му жюрейин комиссйир арайиз хиди.

Къайд апIуб лазим вуки, РФ-дин Президентдин табшуругъар ва РФ-дин Правительствойин къарарар тамам апIури, Урусатдин вари субъектариъ сяргьятар улупбан ляхин кIули гъябгъиди.
Магьа гьамци, сяргьятар тяйин апIбан гьякьнаан Новгородский ва Ленинградский областарин, Чукоткайин автономный округдин ва Камчаткайин, Татарстандин ва Башкирияйин, Коми Республикайин ва Кировский областдин, Чувашияйин ва Ульяновский областарин, Новгородский ва Вологодский областарин жилар кадастровый гьисабнаъ тIаъбан ляхин гъабхура.

2019-пи йисаз улупнайи пландиинди РФ-дин субъектарин арайиъ айи 75% сяргьятар кадастрин гьисабназ гъадагъну ккунду.

Комментарии:

f1 in1 ok1 t1 v1 y1

Top