ГлавнаяСельское хозяйствоЖиларихъди аьлакьалу къайдасузвалар гизаф ву

Жиларихъди аьлакьалу къайдасузвалар гизаф ву

1 1 1 1 1 1 1 1 1 1 Рейтинг 5.00 (1 Голос)

нац библиотека

Октябрин 16-пи йигъан Мягьячгъалайиъ Расул Гьямзатовдин ччвурнахъ хъайи Милли библиотекайин конференцйир гъахру залиъ РД-йин Россельхознадзорин Управлениейи гъябгъюрайи йисан ккудубшу вахтна тамам гъапIу ляхникан яркьуди ктибтбан совещание гъабхьну.

Дидин ляхниъ РД-йин Россельхознадзорин Управлениейин руководитель Къурбан Рамазанов, Чечен Республикайин Россельхознадзорин Управлениейин кIулиъ айи Хожягьмад Хасиев, РД-йин экологияйин табиаьтдин девлетарин министрин заместитель Арслан Сайпуллаев, РД-йин Халкьдин Собраниейин депутат Хазяли Мисиев ва хайлин жара идарйирин вакилар иштирак гъахьнийи.

Серенжем ачмиш апIури, Къурбан Рамазановди къайд гъапIганси, ихь уьлкейин Главайин тIалабниинди гьюкуматдин гюзчивал гъабхбан къайдайиъ дигиш’валар тIаъра. Думу дигиш’валарин асас бина – гъулан мяишатдихъди аьлакьалу ляхнар тамам апIурайи объектариъ къанун чIур апIувалин дюшюшар улариз рякъру жюрейиз илтIикIувал ву. Гъийин йигъан Управлениейин хиликк ккайи органари къайдасузвалар ашкар апIбазси, дурарикан Управлениейиз дахил шулайи объектарин эйсйириз хабар дебккбазра аьхю фикир тувра. Фицики, саспи эйсйири чпиз къанундикан аьгъдурвалиан жюрбежюр тахсикравалар апIури шулу.

Хъасин Къурбан Рамазановди РД-йин Россельхознадзорин Управлениейи гьаму йисан эвелиан мина тамам гъапIу ляхнарикан, гъуху ахтармиш’валарикан гъапнийи. Дугъан гафариинди, йисандин эвелиан мина ветеринарияйин цирклиан гъуху ахтармиш’валариз асас вуди, 100 къайдасузвал ашкар гъахьну. Думу къайдасузвалар деетдарин илипу журум 406 агъзур манат ву. Хъа тумарин цирклиан къайда-низам чIур апIбан швнуд-сад манатдин 227 дюшюш ашкар гъапIну.

Къурбан Рамазановди гъапиганси, кми-кмиди варитIан аьхю къайдасузвалар ашкар шулайи циркил жиларихъди аьлакьалуб ву. Мушваъ цци 3,3 миллион манатдин къайдасузвалар ашкар гъапIну. Асас вуди деетурайи къайдасузвалар тувру пай жюрбежюр уьзрарихьан жилин бегьер дюрюбхрайивал ва гъулан мяишатдин жилар метлебсузди ишлетмиш апIувал ву.

Гъябгъюрайи серенжемдиъ Управлениейин отделарин начальникари чпин отделарин хиликк кайи циркулариъ 9 вазлин арайиъ гъапIу ляхникан ктибтнийи.

Управлениейин РФ-дин аьтрафариин ветеринарияйин гюзчивал гъабхру отделин начальник Гьяжимягьямед Азаевди мялум гъапIганси, чарасуз вуди электрон жюрейиинди дибикIну, «Меркурий» къайдайинди ветеринарияйин сертификация апIбаан, имбуну регионарихъди тевиган, Дагъустан аьхиримжи йишвариин ал. Му ляхни ухьу гизаф пашман апIура. Фицики, Дагъустан гизаф мал-къара айи регион вушра, му месэлайихьна гьамци вижнасузди янашмиш духьну ккундар.

«Улихьдиси гьамусра «Меркурий» къайдайиинди электрондин сертификация апIуз мяишатар гьялак шуладар. Гъийин йигъаз республикайиъ 123 агъузртIан артухъ ветеринарияйихъди аьлакьалу сурсатарихъди ляхин апIурайи мяишатарикан, программайиъ дидикIну, къайд дапIнайидар анжагъ 6245 (5%) мяишатартIан дар. Гьамрарра гьадму улихьна вахтнаан мина кагъзариинди документар айи мяишатар ву. Хъа имбуну вари мяишатари, фици документар адарди ляхин апIури гъахьнуш, гьамусра гьаци чпин ляхин давам апIура. Амма, гьамус эгер «Меркурий» къайдайиинди ляхин апIуз даккнир аш, дугъаз жара чара хьибдар, ясана дициб мяишатдин ляхин ккутIди», - аьлава гъапIнийи отделин начальникди.

Комментарии:

f1 in1 ok1 t1 v1 y1

Top