ГлавнаяСельское хозяйствоРигъун йимишдин ужуб бегьер

Ригъун йимишдин ужуб бегьер

1 1 1 1 1 1 1 1 1 1 Рейтинг 5.00 (1 Голос)

0c4

Ихь республикайиъ 1990-пи йисари ккадабхъу тIумутIчивалин циркил аьхиримжи йисари гужалди артмиш хьуз хъюбгъна. Йислан-йисаз тазади киврайи тIумтIин багъларин кьадар артухъ шула, ва, гьамдихъди сабси, дурариан гъадабгъурайи бегьерин кьадарра.

РД-йин гъулан мяишатдин ва ипIру-убхъру сурсатарин Министерствойиан учуз туву мялуматариинди, цци республикайиъ, саб гектариан 89 центнер тIумтIин бегьер гъадабгъну, 19 агъзур гектар тIумтIин багълариан 171 агъзурна 160 тонна тIумтIар уч гъапIну. Гьелелиг республикайиъ тIумтIарин мициб бегьер 1991-пи йислан мина уч дапIнадайи.

Хъа цци уч гъапIу бегьер гьадмугантIан 2,3 агъзур тоннайин артухъдира ву.

Къайд дапIну ккундуки, Урусатдин регионарин арайиъ Дагъустанди (Краснодар крайин кьяляхъ) тIумтIин багълар айивалиинди кьюбпи йишв дибисна. Зиихъ мялум дапIнайиганси, аьхиримжи йисари республикайиъ 5 агъзур гектариъ тIумтIин таза багълар итна ва цирклиз хъайивал апIуз федералин бюджетдиан 1,2 миллиард манат жара дапIна. Мидланра гъайри, цци, циркил артмиш апIбан бадали, республикайин бюджетдианра 250 миллион манат деебтна.

Асас вуди тIумтIар артмиш апIурайи районар республикайин кьибла терефнан районар ву. Яна цци варитIан гизаф тIумтIар Дербент (55,6 агъзур тонна) ва Гъяякент районариъ (28,5 агъзур тонна) уч гъапIну. Гьацира тIумтIин бегьер уч апIбаан ужудар натижйир Табасаран (13,8 агъзур тонна), Мягьярамкент (13,6 агъзур тонна), СтIал-Сулейман (10,7 агъзур тонна) ва Къарабудагъкент (10,1 агъзур тонна) районариъра улупну.

Цирклиъ ужудар натиж-йир рякъюрашра, республикайин улихь-кIулихь хьайидари, циркил артмиш ва душваъ гъузрайи читин месэлйир гьял апIбан бадали, хусуси вуйи программа тартиб апIуз планламиш дапIна. Яна программайиинди ляхин гъапIиш, гьясил гъапIу тIумтIин бегьер саб читинвалра адарди масу тувуз хьибди.

Табасаран райондин администрацияйин гъулан мяишатдин отделин начальник Камиль Гьяжиевдин гафариинди, райондиъ аьхиримжи кьюд йисандин арайиъ гизаф кьадар тIумтIин бегьер ккадабцIура.

«Ццийин тIумтIин бегьер сачтIан цIиб камди гъабхьну. Себеб – ццийин йис къуруб гъабхьну. Гьаддиз тIумтIин бегьерназра тясир гъапIну. ТIумутIчивалихъди аьлакьалу вуйи вари серенжемар учу вахтниинди тамам гъапIунча. Сач 15,8 агъзур тонна вуйи, хъа ццийин тIумтIин бегьер 13,8 агъзур тонна ву.

ТIумутIчивал райондиъ жанлуди артмиш апIура. Гьар йисан хайлин тIумтIин таза багълар итра. Хьадукран вазари 146 гектариъ багъар ккивунча. Пландиъ улупнайи кьадар 40 гектартIан дайи. Хъа гьамус чвлин вазари 90 гектариъсан тIумтIин багъ ибтуз пландик кайич», – кIура Камиль Гьяжиевди.

Комментарии:

f1 in1 ok1 t1 v1 y1

Top