ГлавнаяСельское хозяйствоГележегдиз бегьер бадали…

Гележегдиз бегьер бадали…

1 1 1 1 1 1 1 1 1 1 Рейтинг 5.00 (2 Голосов)

456

Районарин ва кIулди гъуларин экономикайин артмиш’валиъ АПК-йин артмиш’валин месэлйири асас йишв бисура гъапишра, ягъалмиш шулдар. 

Хив район гъулан мяишатдин район вуйивализ лигну, гьюкмин кIулиъ айидари ва зегьметкешари йишвариин гъулан мяишатдин циркил артмиш апIбаз вари мумкинвалар сарф апура.

 

– Гъябгъюрайи йисан райондин мяишатариъ кьабул гъапIу уьчмйирин натижайиъ мягьсулар дурзнайи гьарсаб гектариан 18 ц тахилар уч гъапIну. Дидихъди сабси зегьметкешар вахтниинди гележегдиз бина ккивбанра гъаразнаъ духьна. Гьамусяаьт му ляхнар гъизгъинди кIули гъягъюра.

2019-пи йисаз бегьер бадали Хив райондиъ 1200 гектартIан артухъдира мулкариъ тумар урзбанди ву. Улупнайи вахтназ 1047 га изнар дапIну, 875 га дяхин ва 10 га мух дубзна. КIулди гъадабгъиш, «Родина» мяишатдиъ – 235 га, «Ново-Кандик» СПК-йиъ – 200 га, «Юзбековский» СПК-йиъ – 170 га, Лениндин ччвурнахъ хъайи мяишатдиъ – 130 га, «Ярак» ООО-йиъ – 110га тумар дурзна. Гьелелиг му ляхнар мяишатариъ давам шула.

Къайд апIурза, урзру тумарин ерийилан бегьер асиллу вуйивал фикирназ гъадабгъну, зегьметкешар му месэлайихьна тIалаблувалиинди янашмиш шула,

– кIура Хив райондин администрацияйин жилариин гюзчивал гъабхру ва гъулан мяишатдин отделин начальник Байрамбег Кучувди.

Дугъан улхбариан мялум шулайиганси, деврин читинвалариз дилигди, райондин саб жерге гъулан мяишатдин карханйири му цирклин артмиш’валик лайикьлу пай кивра. Хъа дурариз аьксина жара мяишатариъ (ГъуштIларин, ЧIилихъарин ва гь. ж.) гъулан мяишат артмиш ясана жанлу апIбан гьякьнаан гьич саб жюрейинра серенжемар гъахурадар. Тялукь мяишатарин ихтиярнаъ айи галарин мулкарин гьякьнаан, шаксуз, лазим уьлчйир кьабул дапIну, мулкар мянфяаьтлуди ишлетмиш апIуз зегьмет дизигну ккунду.

Комментарии:

f1 in1 ok1 t1 v1 y1

Top