ГлавнаяСельское хозяйствоМал-къарайиз гьуркIну алафар а

Мал-къарайиз гьуркIну алафар а

1 1 1 1 1 1 1 1 1 1 Рейтинг 5.00 (1 Голос)

d166f893 674b 4568 b881 4c50f0861627

Урусатдиъ мал-къара кьюрдун вазариз галариз хъапIну гъягъюрайи 12 регион а. Гьадму гьисабнак Дагъустан Республикара кабхъра. Кьюрдун вахтна малар-чарвйир галариз хъаъну гъягъбан асас мяна – дагълу районариъ айи мал-къарайиз кьюрдун вахтназ лазим вуйи кьадар укI гьязур апIуз даршлувал ву. Гьаддиз думу районарин мал-къара кьюрдну галариз, хъа хьад улубкьган – сивариз хъапIри шулу. Фицики думу мал-марччлиз хьад адапIуз галариътIан сивариъ рягьятди ву.

Гьамусяаьт республикайин чарвйир галариъ а. Дурарин гьялнакан, ипIру-убхърубдихъди вуйи тяминваликан ич газатдиз РД-йин гъулан мяишатдин ва ипIру-убхъру сурсатарин Министерствойин чарвйирин ва дурариз ипIруб гьязур апIбан месэлйириз лигру отделин начальник Юсуп Гьясановди мялуматар тувну.

Дугъан гафариинди, республикайин чаврйир хъаъну душнайи галариъ аьгьвалат гьелелиг писуб дар. Мялум вуйиганси, республикайин галар швнуб-саб зонйириз жара дапIна. Мисал вуди гъадабгъиш, Кочубей зонайиъ гьамусяаьт региондин 24 муниципалин образованйириан вуйи 92 агъзурна 463 чарва а, хъа Бабаюрт зонайиъ – 20 райондиан 86 агъзурна 337 чарва, Къизилюрт зонайин галариъ – 10 райондиан 26 агъзурна 232 чарва, Къизлар зонайин галариъ – 3 райондиан 8 агъзурна 530 чарва ва Дербент зонайиъ – 5 райондин 9 агъзурна 120 чарва уьрхюра.

Пуб лазим вуки, Хив райондин чарвйир уьрхюрайи галарра Дербент зонайик кахьра. Гьелелиг Хив райондиан галариз хъаънайидар анжагъ 30 чарватIан дар. Юсуп Сяидовичди къайд гъапIганси, Урусатдин регионарин арайиъ чарвйир айивалиинди ихь регионди кIакIначи йишв дибисна. Вари айи 5 миллионтIан артухъ чарвйирикан зиихъ къайд дапIнайи зонйирин галариз хъаънайи чарвйирин кьадар сабишв’инди 222 агъзурна 682 ву.

«Чарвйирин улупнайи кьадар хъанара артухъ хьуз ими. Марччар-цIигьар галариз хъаъну гъягъру вахт аьхирихъна дуфнашра, саспи районариъ, аьхълушнар адрувализ лигну, гьелелиг чарвйир галариз хъауз гьялак шуладар. Яна, ноябрин 30-пи йигъаз вуйи мялуматариинди, 2018-2019-пи йисарин кьюрдун вазари республикайин 1 миллионна 36 агъзурна 172 чарвайи кьюрд галариъ адапIруси планламиш дапIна. Улупнайи кьадарнакан 900 агъзурна 433 чарва ликри хъаъну гъягъюрайидар, хъа 135 агъзурна 739 машинариъди гъахурайидар ву»,

– гъапнийи отделин начальникди.

Юсуп Гьясановди кьюрдуз марччариз гьязур дапIнайи алафарин гьякьнаанра мялуматар тувнийи. Дугъан гафариинди, цци республикайиъ 1 миллионна 630 агъзуртIан артухъ тонна къуру алафар уч дапIна. Гьадму кьадарнакан 1 миллионна 480 агъзур тоннатIан артухъ укI, 25 агъзуртIан артухъ тонна сенаж, 114 агъзур тонна лембе ва имбунуб силос ву.

Му кьадар сачтIан цци саки 15 агъзур тоннайиинди артухъди ву. Къуру алафарин улупнайи кьадарнак Табасаран ва Хив районариъ уч дапIнайи алфарра ка. Табасаран райондиъ цци 47 агъзурна 412 тонна, Хив райондиъ 32 агъзурна 920 тонна къуру алафар уч дапIна.

Юсуп Сяидовичдин гафариинди, республикайин мал-къарайиз гьелелиг алафар гьуркIну а, ва дугъу, гьамусдихъан тинара кьюрдун фаслиъ лап аьхълушнар дарапIди чарвйир чIатариз утIурккуз шлударсдар гьавйир гъузди кIури, умуд кивра.

Комментарии:

f1 in1 ok1 t1 v1 y1

Top