ГлавнаяСельское хозяйствоМал-къара галариъ

Мал-къара галариъ

1 1 1 1 1 1 1 1 1 1 Рейтинг 5.00 (2 Голосов)

поголовье МРС ООО Ярак

Кьюрд чан чагълариъ а. Му фасил пуч’валар адарди гьапIбан бадали, саки гьар йисан гъулан мяишатарин мал-къара галариз кючмиш апIбан ляхин аьдатназ илтIибкIна. Гьелбетда, му серенжемарин улихь гьязурлугъар гъахури, лазим вуйи уьлчмйирра кьабул апIура.

Малдарариз ва мал-къарайиз лазим шартIар яратмиш апIбан ляхин, Хив ра- йондин жилариин гюзчивал гъабхру, жилин аьлакьйирин ва гъулан мяишатдин отделин начальник Байрамбег Кучувди субут апIурайиси, Лениндин ччвурнахъ хъайи, «Юзбековский» мяишатарин ихтиярнаъ айи ятгъариин заан тешкиллувалиинди кIули гъубхну. Мал-къарайин гъайгъушнаъ ади, 2018-пи йисан ЦIудхъарин мяишатдин вакилари галин «Ажи дере» участокдин аьтрафариин 180 аьхю малар уьрхюз мумкинвал айи ферма тикмиш гъапIну. Улупнайи вахтназ душваъ 120 аьхю малари кьюрд кечирмиш апIура.

– КьатI’иди гъапиш, ухьуз мал-къара заан дережайиъди уьбхру вари мумкинвалар ахьуз: гюрчег сивар, гъулай галар. Амма гьаз-вуш ухьу думу мумкинвалар тамамвалиинди ишлетмиш апIурадархьа. Мисал вуди улупиш, Зилдккарин, ГъуштIларин, Ляхлаарин мяишатарин ихтиярнаъ айи ятгъар эйси адарди дирчну йисар гъягъюра. Гъи гьюкмин кIулиъ айидари ухькан мулкарихьна вуйи янашмиш’вал дибдиан дигиш апIувал тIалаб апIура.

Улупнайи вахтназ райондин вари жюрейин мяишатариъ 10945 марччар-цIигьар ва 810 аьхю малари галариъ кьюрд кечирмиш апIура.

Вахтназ улихьна зегьметкешар дурариз алафар гьязур апIбан гъайгъушнаъра гъахьну. Гьаци, йишвариин кьюрдуз 461 тонна укI ва лембе, 21 тонна аьлава алафар гьязур гъапIну.

Текрар шулза, кьюрд ужуб тешкиллувалиинди ва заан дережайиъди кечирмиш апIурайи мяишатарин арайиъ «Юзбековский», Лениндин ччвурнахъ хъайи, «Кашкентский», «Риза» ва «Ярак» мяишатарин вакилар тафавутлу шула.

Ццийин кьюрдра гьелелиг умунуб дубхьна. Гьаддиз малдарариз читинваларра дици алахьнадар, – аьлава гъапIну Б.Кучувди.

Комментарии:

f1 in1 ok1 t1 v1 y1

Top