Юсуф Базутаевдин гьюрматназ

1 1 1 1 1 1 1 1 1 1 Рейтинг 4.88 (4 Голосов)

33
Гъябгъюрайи йисан табасаран халкьдин шаир ва драматург Юсуф Минатуллаевич Базутаевдин 70 йис тамам шуйи, амма, гьяйифки, шаир яратмиш’валин чагълариъ имиди вахтсузди ихь арайиан гъушну.

Юсуф Базутаевди табасаран ва дагъустан литературайиъ дерин мяна айи ирс гъибтну. Шаирин машгьур сонетарихъди таниш дарур, йиз фикриан, табасаранлуйирин арайиъ адаршул.

Гъябгъюрайи гьяфтайиъ Хив райондин библиотекйириъ Юсуф Базутаевдин гьюрматназ бахш дапIнайи серенжемар гъахура. Хив ЦБС-диъ кIули гъубху мяракайиъ иштирак’вал гъапIу Хиварин мектебдиъ урхурайи баяр-шубариз библиограф Тамила Байрамовайи шаирин уьмрикан маракьлу сюгьбат гъапIну.

– 45 йисан яшнаъди вахтсузди ихь арайиан гъушу бажаранлу шаирин яратмишар гьаргандиз ихь арайиъ гъузрувалин саб шакра адар. Фицики Юсуф Базутаевдин поэзия ихь уьмрин, рюгьлувалин, артмиш’валихьна дих апIбан гьарайси кьабул апIуз шулу, – гъапну дугъу.

Юсуф Базутаевдин яратмишариз бахш вуди ЦБС-диъ тешкил дапIнайи выставкайихъди таниш шули, баяр-шубари шаирин хайлин шиърарра гъурхнийи.

Комментарии: