Тебрик

1 1 1 1 1 1 1 1 1 1 Рейтинг 5.00 (1 Голос)

11

Октябрин 24-пи йигъан «Табасаранский район» муниципалин райондин глава Мирзабалаев Алавудин Несрединович бабкан духьну 55 йис тамам гъабхьну.

Гьюрматлу Алавудин Несрединович!

Уву бабкан гъахьи йигъахъди марцци кIваан тебрик апIуз ккундучуз!

Уву, жанлу ва жавабдар инсанси, район мянфяаьтлуди артмиш апIру фунуб-вушра проект уьмриз кечирмиш апIуз гьязур вуйи заан дережайин руководителсира мялум вува.

Табасаран райондин главади лихурайи йисари уву вари терефариан практикайинна теорияйин дерин аьгъювалар, артмиш’валихьна цIийи мумкинвалар айи бажаранлу тешкилатчи ва жавабдар гьяким вуйивал улупунва. Ляхнихъ хъюгъю сабпи йигълан мина тешкиллувалин заан удукьувалариинди райондин администрацияйин коллективдин ихтибарвал гъазанмиш апIуз гъабхьунвухьан. Район мянфяаьтлуди артмиш хьуз уву зигурайи жафайи гележегдиъра райондин социалинна экономикайин циркил мюгькам, агьалйирин яшайишдин дережа за апIуз мумкинвал тувди. Яв ляхнихьна вуйи гьевеслували, жанлували, идара апIбаъ заан дережайин пишекарвали варитIан важиблу проектар ва планар уьмриз адагъуз мумкинвал туврувалиин умудлу вуча.

Гъит, яв уьмрин жанлу фикрари, идара апIбан тажрубайи пишекарвалин ва уьмрин рякъюъ йислан-йисаз цIийи хъуркьуваларихьна хуз увуз кьувват туври!

Марцци кIван увуз жандин сагъ’вал, ислягьвал ва хушбахтвал ккун апIурача!

Райондин кIулиъ айирин вазифйир тамам апIбан рякъюъ хъуркьувалар, улихь дивнайи планар тамам ишри.

Гьюрматниинди, «Табасаранский район» МР-ин администрацияйин коллектив,
«Табасаранский район» МР-ин депутатарин Собраниейин депутатар

Комментарии: