ГлавнаяЮбилеиДагъустандин дишагьлийирин Союздин 25 йис

Дагъустандин дишагьлийирин Союздин 25 йис

1 1 1 1 1 1 1 1 1 1 Рейтинг 4.75 (2 Голосов)

26-пи октябриъ Мягьячгъала шагьриъ М. Горькийдин ччвурнахъ хъайи Урус драматический театриъ Дагъустандин дишагьлийирин Союз арайиз гъафихъан мина 25 йис тамам хьувалин юбилейин серенжемар кIули гъушну.

Зал Дагъустандин вари районариан, Москвайиан, Азербайжандиан, Казахистандиан, Ставропольский крайиан ва гьацира жара йишвариан дуфнайи дишагьлийирин Союздин вакилари ва хялари абцIнайи.

Серенжем РД-йин Правительствойин вице-премьер Анатолий Карибовди ачмиш гъапIнийи. Дугъу чан улхбаъ къайд гъапIганси, гъийин гьяракатниинди артмиш шулайи дюн՚яйиъ дишагьлийи уьмрин вари цирклариъ чан хъуркьувалар улупура. Халкьарин арайиъ ислягьвал мюгькам апIбакра дишагьлийи лайикьлу пай кивра . Гизаф йисари Дагъустандин дишагьлийирин Союздин кIулиъ ихь машгьур шаир, лайикьлу кас Фазу Гьямзатовна Аьлиева ади гъахьну. Дугъу хусуси чешнейиинди Дагъустандин дишагьлийин лайикьлувал вари дюн՚яйиз улупну. Республикайиъ заан гъуллугъариъ цIиб дишагьлийир лихурадар: вице-премьер, шубур министр, депутатар, судйир, федералин гьюкмин аьтрафарин органарин кIулиъ айидар, муниципалитетарин кулиъ айидарин заместителар. А.Карибовди Дагъустандин Глава Владимир Васильевдин терефнаан тебрикнан адрес гъубхнийи ва гьюрматнан грамотйир тувуз хъюгънийи.

Дагъустандин Дишагьлийирин Союз 25 йисандин юбилейихъди Федерацияйин Советдин илимдин, образованиейин ва культурайин Комитетдин председателин заместитель Лилия Гумеровайи Федерацияйин Советдин председатель Валентина Матвиенкойин терефнаан тебрик гъапIнийи.

Серенжемдиъ аьхиримжи кьюд йисан Союздин кIулиъ айи Интизар Мамутаевайи Дагъустандин дишагьлийирин Союзди тамам апIурайи рягьимлувалин ляхникан, читин гьялнаъ ахъу дишагьлийириз туврайи кюмекнакан, уьмриз кечирмиш апIурайи проектарикан ктибтнийи. «Наънан гъиву гюллера дадайин кIвак кубкIру», кIуру Фазу Гьямзатовнайин гафар лап гьякьлудар ву. Гьаддиз ухьу, дишагьлийири, вари жюре дявйир ярхла апIбиин зегьмет дизигну ккунду», – гъапнийи И.Мамутаевайи.

Серенжем Дагъустандин лайикьлу артистарин концертдиинди ккудубкIнийи.

Комментарии:

f1 in1 ok1 t1 v1 y1

Top