ГлавнаяЮбилеи

Шаирарин гюрюш

1 1 1 1 1 1 1 1 1 1 Рейтинг 5.00 (1 Голос)

8Майин 30-пи йигъан Мягьячгъала шагьриъ Расул Гьямзатовдин Фонднаъ машгьур дагъустан шаирин 95 йис хьпан шадлугънан серенжемарин программайин дахилнаъди «Расул Гьямзатовдин яратмишар табасаран шаирарин ва аьлимарин таржумайиъ» темайиан мярака кIули гъубшну. 

Душваъ табасаран халкьдин шаирар, писателар, ДГПУ-йин филологияйин факультетдин студентар, РД-йин Халкьдин Собраниейин депутат Мягьямед Къурбанов, Табасаран райондин глава Алавудин Мирзабалаев ва хайлин жара касар иштирак гъахьну.

Поэзияйин рякъюъди

1 1 1 1 1 1 1 1 1 1 Рейтинг 5.00 (1 Голос)

8785Гьаму улихьнаси Дербент шагьрин 15-пи мектебдиъ азербайжан чIалниинди бикIру шаир ва мяълийирин устад, Азербайжан Республикайиъ чапдиан удубчIвурайи «Азад кьалам» кIуру газатдин мухбир Зейнаб Дербендлийин яратмиш апIбариз бахш дапIнайи серенжем кIули гъубшну. Серенжемдиъ мектебдин мялимар, урхурайидар, Дербент шагьрин культурайин отделин кIулин пишекар Гюльпери Мирзабалаева, библиотекайин директор Диана Аьлиева, шаирар – Фахредин Оруджев, Шюшеханум Мягьямедова, Сафият Жалгъанская, шагьрин мектебариъ азербайжан чIал киврайи мялимар, азербайжан театрин артистар иштирак гъахьну.

Серенжем гьязур гъапIу му мектебдин мялимар Эльмира Мовланвердиевайи ва Фарида Гарусовайи уч духьнайидар шаирин биографияйихъди таниш гъапIнийи. Дербент райондин Рукель гъулаъ бабакан гъахьи Зейнабдин уьмрин жилгъа гизаф читинуб гъабхьну. Дугъан уларин акв лап кьитди вуйивализ, фукьан юкIв хъашра, дугъхьан мектебдиъ урхуз шули гъабхьундар. Саб вазлин арайиътIан мектебдиъ дархьи шураз гьярфар чан дадайи улупну. Гьар вахтна аьгъюваларихьна маракьлувалиинди илтIикIури, поэзияйихъ юкIв хъади гъахьи шураз чан дадайи шаирвалин жилгъайиъ учIвуб васият гъапIну. Гьамусдиз шаирин 5 китаб удучIвна, Зейнабдин шиърар урус, табасаран чIалариз илтIикIна.

КIваин илмийихь

1 1 1 1 1 1 1 1 1 1 Рейтинг 5.00 (1 Голос)

2332013-пи йисан апрелин вазлиъ ТОКС-дин Табасарандиъ айи десте региондин «Багъри юрднан тарих аьгъю апIру республикайин телевидениейин дестйирин гьяракат» жямяаьтлугъ тешкилатдиз официально вуди кьабул гъапIнийи.

Гьамус ихь райондиъ 500-диинакьан иштиракчйир гьисабнаъ айи 40-кьан дестйир а. Думу дестйири чпин улихь дивнайи месэлйир ва метлебар намуслувалиинди тамам апIура. Гьаму макьалайиъ узуз ТОКС-дин ахтармишар гъахру ич дестейи фициб ляхин гъубхнуш, ктибтуз ккундузуз.

Дербентдин педагогвалин колледждин – 95 йис

1 1 1 1 1 1 1 1 1 1 Рейтинг 5.00 (1 Голос)

4Апрелин 27-пи йигъан Дербент шагьрин пишекарвалинна педагогвалин колледжди 95 йисандин юбилей къайд гъапIну.

Шадлугънан серенжемдиз вахтназ вуди Дербент шагьрин главайин вазифйир тамам апIурайи Энрик Селимов, Дербент шагьрин образованиейин управлениейин вакилар, Кьибла Дагъустандин районариан дуфнайи делегацйир, колледждин выпускникар уч духьнайи.

Юбилейин серенжем сифте колледждин гьяятдиъ башламиш гъапIнийи. Урусатдин Федерацияйин ва Дагъустан Республикайин гьюкуматдин гимнар тамам апIбан кьялхъ, колледждин директор Шарафудин Сейидовди ва чан коллективдиз гизаф йисари намуслу зегьмет зигбаз чухсагъул мялум гъапIнийи.

Шагьвелед Шагьмардановдин 70 йис

1 1 1 1 1 1 1 1 1 1 Рейтинг 5.00 (1 Голос)

44444Табасаран литературайин машгьур вакил, Дагъустан литературайиъ багьалу ирс гъибту шаир ва публицист Шагьвелед Шагьмардановдин 70 йисандин юбилей къайд апIбахъди аьлакьалу вуди, 25 апрелиъ Хив РКДЦ-йиъ шадлугънан серенжем кIули гъубшну.

Серенжем РД-йин писателарин Союздин жягьтлувалиинди Хив райондин администрацияйин вакилари тешкил гъапIну.

Шадлугънан мяракайиъ Хив райондин глава Бейдуллагь Мирзоев кIулиъ ади райондин актив, РД-йин писателарин Союздин председатель, Дагъустандин халкьдин шаир Мягьямед Аьгьмедов, РД-йин СП-йин секретарь, табасаран секцияйин кIулиъ айи Сувайнат Кюребегова, шаирар Марина Аьгьмедова, Шеитханум Аьлишева, Мягьямед Патахов, Анварбег Култаев, Ильяс Мягьямедов, Пирмягьямед Асланов, Аьбдулмежид Къурбанов, Гюльбике Уьмарова, ДГПУ-йин ФДФ-дин дагъустан литературайин кафедрайин доцент Аьлибег Аьшурбегов, табасаран чIалниинди чапдиан удубчIвурайи, бицIидариз вуйи «Ппази» журналин редактор Феруза Султанова ва хайлин жара хялар иштирак гъахьну.

Ледовое побоище 18 апреля 1242 года

1 1 1 1 1 1 1 1 1 1

Победа Александра Невского над немецкими рыцарями Ливонского ордена на Чудском озере.

Освобождение Одессы 10 апреля 1944 года

1 1 1 1 1 1 1 1 1 1

10 апреля 1944 года войска под командованием одессита Малиновского освободили Одессу от фашистов. Одесса одной из первых получила высокое звание «Город-Герой».

Взятие Кёнигсберга 9 апреля 1945 года

1 1 1 1 1 1 1 1 1 1

9 апреля 1945 года войска маршала Василевского взяли штурмом город-крепость Кенигсберг – столицу Восточной Пруссии. Ныне – российский Калининград

Освобождение Братиславы 4 апреля 1945 года

1 1 1 1 1 1 1 1 1 1 Рейтинг 4.50 (1 Голос)

4 апреля 1945 года наши войска после ожесточенных боев и глубокого обходного маневра освободили столицу Словакии - Братиславу от немецко-фашистских захватчиков

Улар хъайиз вари рякъюз

1 1 1 1 1 1 1 1 1 1
6Расул Гьямзатовдин 95 йис

 Гьюрматлу дустар!

Гъябгъюрайи йисан советарин ва урусатдин машгьур шаир, прозаик, таржумачи, публицист, Дагъустан АССР-ин халкьдин шаир, Социалист зегьметнан Игит, Лениндин ва Сталиндин премйирин лауреат Расул Гьямзатов бабкан духьну, 95 йис тамам шула.

Юбилейихъди аьлакьалу вуди, учву гьар вазлиъ «Табасарандин нурар» газатдин машариъ шаирин уьмрикан, зегьметнан ва яратмиш апIбан рякъкан мялуматарихъди таниш апIидича. 

Страница 4 из 14

f1 in1 ok1 t1 v1 y1

Top