ГлавнаяЛента новостейТарихнан дакьикьа

Тарихнан дакьикьа

1 1 1 1 1 1 1 1 1 1

2021 01 25 125226Гьюрматлу ватанагьлийир!
Мялум вуйиганси, 2021-пи йис ихь республикайиъ Дагъустандин АССР тешкил дапIну 100 йис хьпан Йисси мялум дапIна. Гьамдихъди аьлакьалу вуди, кIулди вари йисандин арайиъ республикайиъ жюрбежюр серенжемар кIули гъягъиди.

 

ДАССР-ин 100 йис хьпан юбилейихъди аьлакьалу вуди «Табасарандин нурар» газатдин редакцияйи, «Тарихнан дакьикьа» ччвур тувну, 2020-пи йисан 25-пи декабриан 2021-пи йисан 28-пи феврализкьан 15 йислан 40 йисазкьан яшариъ айи агьалйирин арайиъ конкурс тешкил дапIна.

Конкурсдиъ иштирак хьпан бадали, халкьдин тарихнакан, сяняаьткарваларикан ва совет вахтариъ жямяаьтлугъ, политикайин, культурайин цирклиъ заан хъуркьувалар гъазанмиш гъапIу табасаран халкьдин машгьур вакиларикан ихь чIалниинди ктибтурайи 1-2 дакьикьайин видеоролик газатдин электрондин почтайиз (Этот адрес электронной почты защищен от спам-ботов. У вас должен быть включен JavaScript для просмотра.) ясана газатдин инстаграмдин директдиз хъадапIну ккунду.

Къайд апIувал лазим вуки, мидиз улихьна жара серенжемариъ ясана жара конкурсариъ иштирак хьуз гьязур гъапIу роликар «Тарихнан дакьикьа» конкурсдиз кьабул апIурадарча. Мидланра гъайри, сар иштиракчийиз саб роликтIан хътапIуз ихтияр адар.

Конкурсдиъ сабпи йишв гъадабгъуриз 3 агъзур манат, 2-пи йишваз – 2 агъзур ва 3-пи йишваз – 1 агъзур манат жара дапIна. Жюрийи конкурсдин иштиракчйири хътау роликариз, дурарин сюжетдиз, гьязур апIбан ерийиз ва темайиз лигну, кьимат дивбан кьяляхъ, 5-пи мартдиъ натижйир йивиди ва гъалибчйир тяйин апIиди.

Комментарии:

f1 in1 ok1 t1 v1 y1

Top